Қорытынды аттестаттау
Жастардың бүгінгі міндеті — оқу, білім, тәрбие жұмыстары. Жастар бүгін сөзден іске көшетін заман. Білімсіз істің реті болмайды. Сондықтан, жастардың жалпы назары мектепке аударылуы керек.
11 сынып білім алушыларын қорытынды аттестаттау – білім алушылардың жалпы орта білім беру деңгейінің мемлекеттік жалпыға міндетті стандартында көзделген оқу пәндерінің көлемін меңгеру дәрежесін айқындау мақсатында жүргізілетін рәсім.
2021 жылдың маусым айының бірі күні 11-сынып оқушыларына қазақ тілі мен әдебиеті пәнінен қорытынды аттестация емтиханы өткізілді. Емтиханға барлық оқушылар қатысты. Мектеп директоры Оспангазиева Батима Калиахметовна мен оқу ісінің орынбасары Қасенова Оразгүл Құрмановна өз уақытында конвертті әкеліп, оқушыларға сәттілік тілеп, ашты. Емтихан алушы Кельменбетова Гульжанат Жаркимбаевна нұсқаулықпен таныстырды. Оқушылар эссе жазу үшін ұсынылған тақырыптардың біреуін таңдады. Эссе жаратылыстану-математикалық бағыт бойынша 250-300 сөзден, қоғамдық-гуманитарлық бағыт бойынша 300-350 сөзден тұруы қажет болды. Эсседе оқушы тақырыпқа сай көтерілген мәселе бойынша дәлелдер мен дәйектер келтіріп, өз пікірін, негізгі идеясын жүйелі түрде жеткізіп, ой түйіндей білді.