ҚОҒАМДЫҚ-ГУМАНИТАРЛЫҚ БАҒЫТТАҒЫ ПӘНДЕР АПТАЛЫҒЫ

    Мектепке дейінгі шағын орталығы бар Қызыларық орта мектебінде   02-09 ақпан   аралығында  «Тіл мен тарих –ғасырлар куәсі»  тақырыбында  гуманитарлық пәндер бірлестігінің апталығы  болып өтті. Апталықтың мақсаты: оқушылардың  тілге қызығушылықтарын арттыра отырып,гуманитарлық пәндер бойынша  білім-біліктілік дағдыларын қалыптастыру, үштілділіктің заман талабы екенін түсіндіру; Отанға, туған жерге, тілге сүйіспеншіліктерін арттыра отырып, патриотизмге тәрбиелеу.2 ақпан күні   салтанатты  ашылуы ұйымдастырылды. Оқушылар үщ тілде тақпақтарын оқыды,  3 ұлттың (қазақ, орыс, ағылшын) өкілдері  үштілділіктің маңыздылығын  көрсетті. 10 сынып оқушысы  Қылышбек Аяулым  «Апталыққа арнау» өлеңін  орындады.  Гуманитарлық пәндер бірлестігінің жетекшісі  Қазтай Кербез Қазтайқызы   апталықтың жоспарымен таныстырды.Апталық аясында  тарих, қазақ тілі, орыс тілі,ағылшын тілі, өзін өзі тану пәндерінен ашық сабақтар болып өтті. Атап айтқанда Қазақ тілі пәнінің мұғалімі Келменбетова Гүлжанат 9-сынып оқушыларымен «Шұғаның белгісі» тақырыбына, Бикен Аризат 6-сынып оқушыларымен «Жусан иісі» тақырыбында,ағылшын пәні мұғалімі Жанысбаев Дәулет 8-сынып оқушыларымен «Дifferent activities,based on thecontent of the books» тақырыбында, Ахат Сара 2- сыныппен «Our body»,тарих пәнінің мүғалімі Қазтай Кербез 7-сынып оқушыларымен «Монғол шапқыншылықтарының салдарлары» тақырыбында ашық сабақтар өте жоғары деңгейде өтті. Сонымен қатар  сыныптан тыс іш-шаралар да өтілді.Атап айтатын болсақ ағылшын пәнінен «ағылшын ішінде ертегі» тақырыбында, қазақ тілінен сайыс сабақтары, тарихтан   интелектуалды ойындар  жақсы дайындықпен өтілді. Апталық соңында белсене  қатысқан  оқушылар  мен сыныптар марапатталды.